ჟურნალისტ გიორგი სანაიას ოჯახი მსჯავრდებულ კოტე ციხისთავის განცხადებებზე გამოძიების დაწყებას ითხოვს.
გიორგი სანაიას ძმის, ვახო სანაიას განცხადებით, ყოფილი პანკისური დაჯგუფების წევრი კოტე ციხისთავი სატელევიზიო ეთერისას ასახელებდა ხელისუფლების ყოფილ მაღალჩინოსნებს და კონკრეტულ პირებს, რომელთაც მკვლელობის საქმეზე აქვთ შემხებლობა. მისივე თქმით, პროკურატურამ უნდა დაადგინოს და დაკითხოს მსჯავრდებული კოტე ციხისთავი.
სანაის განცხადებით, პროკურატურა მათ არ დაკავშირებია და სწორედ ამიტომ, ისინი მომავალ კვირას ოფიციალურად მიმართავენ უწყებას.
ცნობისთვის, დღეს გიორგი სანაიას დაბადების დღეა. მას 43 წელი შეუსრულდებოდა.