ამ ფაქტთან [არჩილ ტატუნაშვილის გარდაცვალება] დაკავშირებით პასუხისმგებლობა, ბუნებრივია, რომ სრულად ეკისრება საოკუპაციო რეჟიმს და რუსეთს, რომელიც ეფექტურ კონტროლს ახორციელებს ჩვენს ტერიტორიაზე, - ამის შესახებ პარლამენტის ვიცე-სპიკერმა თამარ ჩუგოშვილმა განაცხადა.
მისი თქმით, საერთაშორისო საზოგადეობის ყურადღება ოთხოზორიას საქმესთან დაკავშრებით იყო და ამ შემთხვევაშიც, შესაბამისად იქნება.
„ჩვენი მხრიდან ბუნებრივია, რომ მექანიზმი არის ხოლმე საერთაშორისო საზოგადოების ყურადღების გამახვილება ასეთ თემებზე და, შესაბამისად, მათი მეშვეობით გარკვეული მცდელობა, რომ მარლთმსაჯულება აღსრულდეს მსგავს თემებზე. ეს არის ჩვენი ტრაგედია და სიახლეც არაა, რომ ჩვენთვის ყველაზე მძიმე არის ოკუპაცია და ის მდგომარეობა, რომ ჩვენ ეფექტურ კონტროლს ვერ ვახორციელებთ ჩვენს ტერიტორიებზე. სწორედ ამიტომ ძალიან რთულდება მარლთმსაჯულების აღსრულება მსგავს შემთხვევებზე. ვფიქრობ, საერთაშორისო საზოგადეობის ყურადღება ოთხოზორიას საქმესთან დაკავშრებით იყო და ამ შემთხვევაშიც შესაბამისად იქნება“, - განაცხადა ჩუგოშვილმა.