“The guardian”-ის ცნობით, ახალგაზრდა სტივ ჯობსის რეზიუმეს, რომელიც მან ტექნოლოგიის სფეროში სამსახურის ძებნისთვის შეადგინა, აუქციონზე გაყიდიან.
ერთგვერდიანი რეზიუმე სტივ ჯობსის ხელითაა დაწერილი 1973 წელს. მასში უამრავი ორთოგრაფიული და პუნქტუაციული შეცდომებია.
მაგალითად თავისი გვარი მას პატარა ასოებით აქვს დაწერილი.
რეზუმეში ის აღნიშნავს, რომ აქვს მართვის მოწმობა, თუმცა ტელეფონი არ გააჩნია.
დოკუმენტის სავარაუდო საწყისი ღირებულება 50 ათასი დოლარია.
აუქციონი ჩატარდება 8-დან 15 მარტამდე. ასევე აუქციონზე იქნება წარმოდგენილი 2001 წელს სტივ ჯობსის მიერ ხელმოწერილი Mac OS X-ის ტექნიკური სახელმძღვანელო. მისი საწყისი ფასი 25 ათასი დოლარია.