ავსტრალიის ვიცე-პრემიერმა ბარნაბი ჯოისმა თანამშრომელთან რომანის გამო, თანამდებობა დატოვა. სკანდალი მას მერე დაიწყო, რაც ცნობილი გახდა, რომ ჯოისმა, რომელმაც ქორწინებაში 24 წელიწადი გაატარა და ოჯახის ღირებულებების შესახებ კამპანიას ახორციელებდა, საყვარელი გაიჩინა, რომელიც მისგან ბავშვს ელოდება. მისი და ვიკი კემპიონის რომანის შესახებ ინფორმაცია ადგილობრივ მედიაში ორი კვირის წინ გავრცელდა. პოლიტიკოსს ოთხი შვილი ჰყავს და ამ ეტაპზე განქორწინებულია.
Reuters-ის ინფომრაციის თანახმად, თანამდებობის დატოვების შესახებ ინფორმაცია 22 თებერვალს, მას მერე გავრცელდა, რაც მას სექსუალურ შევიწროებაში დასდეს ბრალი. ნაციონალური პარტიის ხელმძღვანელის განცხადებით, პარტია ფლობს ინფორმაციას ჯოისის სექსუალური შევიწროებაზე, თუმცა ამის შესახებ კომენტარის გაკეთებას არ აპირებს. ყოფილმა ვიცეპრემიერმა უარყო ეს ბრალდებები, თუმცა აღნიშნა, რომ ამ ფაქტმა მისი თანამდებობიდან წასვლის პროცესი დააჩქარა. ჯოისის წარმომადგენელი აცხადებს, რომ ეს ფაქტები სიცრუეს წარმოადგენს.