„უწესიერესი ოჯახია, ბავშვიც უწესიერესია. თუ რა მოხდა, მეტი არაფრის თქმა შემიძლია. კონფლიქტი ვის შორის იყო, ამის შესახებ არაფერი ვიცი“, - განუცხადა „ჯი-ეიჩ-ენს“ თემქაზე შეყვარებულის მკვლელობაში დადანაშაულებულ ლადო გრიგალაშვილის ადვოკატმა, ნაირა ოტიაშვილმა.
გრიგალაშვილის ოჯახის ადვოკატის განმარტებით, შესაძლოა, აღნიშნული დანაშაული მისი დაცვის ქვეშ მყოფის ჩადენილი არ იყოს და იბრალებდეს. თუმცა, როგორც თავად აღნიშნავს, ამის თქმის საფუძველს კონკრეტული ინფორმაცია არ აძლევს.
„ამ ეტაპზე არაფრის თქმა არ შემიძლია, გარდა იმისა, რომ არ ვიცი რეალურად მისი ჩადენილია, თუ იბრალებს“, - აცხადებს ოტიაშვილი.
ლადო გრიგალაშვილს ბრალს დღეს, დღის მეორენახევარში წაუყენებენ.
„ბრალის წარდგენა დღის მეორე ნახევარში იგეგმება. სანამ მას ბრალს არ წარუდგენენ, საქმის მასალებს არ გავეცნობი და დაკავებულს არ მოვუსმენ, მანამდე არაფერი მეცოდინება“, - დასძენს ადვოკატი.
შსს-ს ოფიციალური ინფორმაციით, მკვლელობა შურისძიების მოტივით მოხდა. თუმცა, ერთ-ერთი ვერსიით, აღნიშნული დანაშაული შესაძლოა ავტოსაგზაო შემთხვევას უკავშირდებოდეს, რომლის შედგედაც ერთი პირი გარდაიცვვალა. აღნიშნულ ვერსიას გრიგალაშვილის ადვოკატი კატეგორიულად გამორიცხავს.
„ავტოსაგზაო შემთხვევას გამოვრიცხავ. ეს არის რაღაც მეათე ხარისხოვანი, ამ ავტოსაგზაო შემთხვევაში დაკავებული არაფერ შუაშია“, - აცხადებს ოტიაშვილი.
თუ რის გამო იძია შეყვარებულზე შური ახალგაზრდა მამაკაცმა, ან უკავშირდება თუ არა სხვა ფაქტს აღნიშნული მვლელობა, ეს ჯერ უცნობია.
შეგახსენებთ, რომ 22 თებერვალს, თემქაზე 21 წლის ანა ნაცვლიშვილის ცხედარი იპოვეს. შსს-მ მომხდარზე 21 წლის ლადო გრიგალაშვილი დააკავა.