მუსტაფა ემრე ჩაბუქის ადვოკატი სოსო ბარათაშვილი გატაცების საფრთხეზე საუბრობს და „ჯი-ეიჩ-ენთან“ აცხადებს, რომ ხვალ ადვოკატები პროკურატურას შაუმდგომლობით მიმართავენ, რათა ჩაბუქი დაცვის სპეცუალურ პროგრამაში ჩართონ.
„ხვალ მთავარ პროკურატურას დასაბუთებული შუამდგომლობით მივმართავთ, რომ ჩაბუქი დაცვის სპეციალურ პროგრამაში ჩაერთოს, რადგან საფრთხეებს ვხვედავთ. მას შესაძლოა, გარეთ რაღაც საფრთხე დაემუქროს. გარკვეული საფუძვლები არსებობს, რომ ისიც მისი ოჯახის წევრების მსგავსად დაცვის სპეცილაურ პროგრამაში იყოს ჩართული“, - აცხადებს ბარათაშვილი.
მისი განმარტებით, მას შემდეგ, რაც ჩაბუქი თბილისის საქალაქო სასამართლომ წინასწარი პატიმრობიდან გაათავისუფლა, თურქულ სოციალურ ქსელებში მის მიმართ ნეგატიური განცხადებები ვრცელდება.
„მისი გათავისუფლების შემდეგ თურქულ სოციალურ ქსელებში უარყოფითი კონტექსტის შემცველი განცხადებები გავრცელდა. ყოფილა პრეცდენტი, როცა თურქეთის მოქალაქე საექსატრადაციო პატიმრობიდან გაათავისუფლეს და ის თურქეთში გაიტაცეს“, - აცხადებს ადვოკატი.
შეგახსენებთ, რომ დემირელის კოლეჯის ხარისხის მართვის მენეჯერი, მუსტაფა ემრე ჩაბუქი, 19 თებერვალს, თბილისის საქალაქო სასამართლომ 1000 ლარიანი გირაოს სანაცვლოდ გაათავისუფლა.