ფლორიდის სკოლაში განვითარებული მოვლენების შედეგად, ამერიკის პრეზიდენტმა მხარი დაუჭირა მასწავლებლების და სკოლის სხვა თანამშრომლების შეიარაღების იდეას. ასევე გააუქმა წესი, რომლის თანახმადაც აკრძაული იყო სკოლის მახლობლად იარაღის ტარება.
ამის შესახებ განცხადება პრეზიდენტმა თეთრ სახლში გამართულ კონფერენციაზე გააკეთა, რომელიც ძალადობას და ცეცხლსასროლი იარაღის ტარებას მიეძღვნა. კონფერენციას ფლორიდის სკოლის მასწავლებლები, მოსწავლეები და დაზარალებული პირები ესწრებოდნენ.
„თქვენ რომ გყოლოდათ გვერდით მასწავლებელი, რომელსაც ეცოდინებოდა ცეცხლსასროლი იარაღის ხმარება, სავსებით შესაძლებელია რომ ის შეძლებდა თავდასხმის უფრო მოკლე ვადაში შეჩერებას“ - განაცხადა პრეზიდენტმა და დასძინა, რომ ეს წინადადება ეხებათ მხოლოდ იმ პირებს, რომლებიც კარგად ფლობენ იარაღს.
პრეზიდენტმა განაცხადა, რომ ხელისუფლება ყველაფერს აკეთებს მსგავსი ქმედებების თავიდან ასაცილებლად. ასევე მხარი დაუჭირა ცეცხლსასროლი იარაღის შეძენის მსურველთა შემოწმების სისტემის გამკაცრებას.
შეგახსენებთ რომ 15 თებერვალს ფლორიდის შტატის ერთ-ერთ სკოლაში 19 წლის ამავე სკოლის ყოფილმა მოსწავლემ ცეცხლი გახსნა, რის შდეგადაც დაიღუპა 17 ადამიანი. დამნაშავემ ბრალი აღიარა.