თარიღი    დრო

კონკურენციის სააგენტოსა და ადვოკატთა ასოციაციას შორის მემორანდუმი გაფორმდა

საქართველო, თბილისი - 12:34 02.22.2018 539

საქართველოს კონკურენციის სააგენტოს თავმჯდომარემ ნოდარ ხადურმა და საქართველოს ადვოკატთა ასოციაციის თავმჯდომარემ დავით ასათიანმა თანამშრომლობის მემორანდუმს ხელი მოაწერეს.

მხარეებს შორის თანამშრომლობის გაფორმების საფუძველი, კონკურენციის კანონმდებლობის დახვეწის, ცვლილებების შემუშავების პროცესში ადვოკატთა ასოციაციის წევრთა აქტიური ჩართულობა და თანამონაწილეობაა; ასევე კონკურენციის ადვოკატირების მიზნით, ერთობლივი ღონისძიებების, პროექტების, დაგეგმვა და ორგანიზება; კონკურენციის სფეროში გამოვლენილი დარღვევების შესახებ ინფორმაციის გაცვლა, მეთოდური დახმარება, კვლევების წარმოება, კონსულტაციების გაწევა; ლექციების, პრეზენტაციების, სემინარების გამართვა საზოგადოების სხვადასხვა სამიზნე ჯგუფებისათვის, მათ შორის, ასოციაციის წევრებისათვის, იურიდიული/საკონსულტაციო კომპანიების წარმომადგენელთათვის, ბიზნესსექტორისათვის და ა.შ.

„ვფიქრობ, დროა კონკურენციის მარეგულირებელი კანონმდებლობის დეტალური, სიღრმისეული და გაფართოებული განხილვა გავაძლიეროთ და აზრთა სხვადასხვაობის, მსჯელობის, რეკომენდაციების საფუძველზე შევიმუშაოთ ეფექტიანი კანონმდებლობა. დასაწყისშივე სწორად უნდა განვსაზღვროთ კონკურენციის პოლიტიკის ის ძირითადი პრინციპები, საერთაშორისო მიდგომები, რომელიც ორიენტირებული იქნება ჩვენი ქვეყნის მომავალ განვითარებაზე. აღნიშნული მიმართულებით სამუშაოები, როგორც ადგილობრივ, ისე საერთაშორისო ექსპერტებთან დაწყებულია და ჩვენი დღევანდელი თანამშრომლობაც ამის ერთ-ერთი ხელშემწყობი პირობა უნდა იყოს“, - განაცხადა ნოდარ ხადურმა მემორანდუმის გაფომებისას.

დავით ასათიანმა პროგრესული უწოდა თანამშრომლობას და აღნიშნა, რომ კონკურენციის სააგენტოსთან მსგავსი ტიპის მემორანდუმის გაფორმება და თანამშრომლობის ფორმატის შექმნა ძალიან მნიშვნელოვანია.

"ადვოკატები ყოველდღიურად იცავენ კლიენტებსა და ბიზნეს კომპანიებს, წარმოადგენენ მათ ინტერესებს ისეთ საკითხებთან დაკავშირებით, როგორიცაა კონკურენტული ბაზრის არსებობა საქართველოში. ეს თანამშრომლობა მნიშვნელოვანია იმისთვის, რათა დაცული იყონ როგორც ადგილობრივი მეწარმეები, ასევე - უცხოელი ინვესტორები“, - განაცხადა ადვოკატთა ასოციაციის თავმჯდომარემ.




Tavdacva

ყველა სიახლის ნახვა...

sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%