თბილისში მიმდინარე საერთაშორისო საავიაციო ფორუმის ფარგლებში სპეციალური პანელი მოეწყო.
საერთაშორისო ავიაკომპანიების წარმომადგენლებს საქართველოს ტურისტული პოტენციალი ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ პრეზენტაციის სახით გააცნო.
ფორუმში 65 ავიაკომპანიისა და 250 აეროპორტის 500-ზე მეტი წარმომადგენელი მონაწილეობს.
საქართველოს მთავრობამ რვა თვის წინ გადაწყვიტა CONNECT 2018-ის შერჩევის პროცესში მიეღო მონაწილეობა და საქართველო რიგით მეთხუთმეტე საიუბილეო ფორუმის მასპინძელი გამხდარიყო.
მასშტაბური, საერთაშორისო დონის ღონისძიება წელიწადში ერთხელ ევროპის სხვადასხვა ქვეყანაში ტარდება.