პროექტი „50 ქონება შენი სასტუმროსთვის“ ფარგლებში მესტიაში, სეტის მოედანზე სახელმწიფო საკუთრებაში არსებული „ჰოსტელი“ იყიდება. აუქციონი 20 მარტისთვისაა ჩენიშნული და ობიექტის საწყისი ღირებულება 550 ათას 500 ლარს შეადგენს.

აუქციონის პირობების მიხედვით, მყიდველი ვალდებულია ნასყიდობის ხელშეკრულების გაფორმებიდან არაუმეტეს 3  წლის ვადაში, საპრივატიზებო უძრავ ქონებაზე ან მის ნაწილზე მინიმუმ 8 ნომრის მქონე სასტუმრო მოაწყოს, რისთვისაც მინიმუმ 300 ათასი ლარის ინვესტირება მოუწევს. პროექტის მიზანია ხელი შეუწყოს საქართველოში ტურიზმის განვითარებასა და ინვესტორებს მისცეს შესაძლებლობა უკვე არსებული ინფრასტრუქტურის გამოყენებით მოაწყონ თანამედროვე სტანდარტების შესაბამისი სასტუმრო კომპლექსები. 
დღეის მდგომარეობით ქვეყნის მასშტაბით გაყიდულია 47 811 501 ლარის ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა არანაკლებ 80 200 000 ლარს შეადგენს.