“გერმანიის ფედერალური მთავრობა შეშფოთებულია: თავშესაფრის მიღებას სულ უფრო მეტ ქართველი ცდილობს”,- ამ სათაურით სტატიას გერმანული გამოცემა Die Welt აქვეყნებს.
როგორც პუბლიკაციის ავტორები, მანუელ ბევარდერი და ფლორიან ფლადე აღნიშნავენ, ჯერჯერობით ნათლად არაა გარკვეული, თუ რამდენად მაღალ და პოტენციურ საფრთხეს შეიცავს თავშესაფრის მაძიებელთა რაოდენობის ზრდა, მაგრამ ისიც ფაქტია, რომ რაოდენობის ასეთი მატება უვიზო რეჟიმით გათვალისწინებული არ ყოფილა.
„საქართველოდან თავშესაფრის მიღების მსურველთა რაოდენობის გაზრდასთან დაკავშირებით, გერმანია მათ შესაკავებლად ზომების მიღებას გეგმავს, - განაცხადა შინაგან საქმეთა სამინისტროს პრეს-მდივანმა გაზეთ Die Welt-ის შეკითხვის პასუხად. ზომები ითვალისწინებს უფრო ფართო სასაზღვრო-პოლიციურ თანამშრომლობას თავშესაფრის მიღების მსურველთა რაოდენობის გაზრდის მიზეზების შესასწავლად.
გერმანიის ფედერალურ მთავრობაში თავიდანვე დიდი ეჭვები არსებობდა: უნდა მიეცეთ თუ არა სამომავლოდ ქართველებს ევროკავშირის ქვეყნებში უვიზოდ მიმოსვლის უფლება? მთავარი როლი საგარეოპოლიტიკურმა არგუმენტებმა შეასრულეს: კავკასიური რესპუბლიკა პერსპექტივაში დასავლეთთან შედარებით მჭიდროდ იქნებოდა ინტეგრირებული. თუმცა, 2016 წელს, სანამ საბოლოო გადაწყვეტილებას მიიღებდნენ, გერმანიის შინაგან საქმეთა ფედერალურმა მინისტრმა ყველას გასაგონად განაცხადა, რომ არსებობდა თანამემამულეთა უსაფრთხოების დაცვასთან დაკავშირებული პრობლემები - სხვადასხვა ქვეყნიდან გერმანიაში ჩასული პირებისაგან ჩამოყალიბებული საერთაშორისო ბანდები ბინებს ტეხდნენ და ძარცვავდნენ. ამ საკითხში განსაკუთრებით პრობლემატურები ქართველი შემსრულებელები იყვნენ.
თუმცა პროექტი არ შეჩერებულა: 2017 წლის გაზაფხულზე, მარტის ბოლოს, ვიზალიბერალიზება ძალაში შევიდა და ქართველებს ევროპაში ბიომეტრული პასპორტით თავისუფლად მიმოსვლის ნება მიეცათ. ამის პარალელურად, გერმანიისა და საფრანგეთის მთავრობებმა გადაწყვიტეს, რომ ექსტრენულ შემთხვევებში, გარკვეული პირობების გამო, შეიძლება უვიზო რეჟიმი გადახედვა მომხდარიყო და მისი მოქმედება შეჩერებულიყო. ახლა სწორედ ასეთ შემთხვევაზე ლაპარაკობენ, ერთი წლის შემდეგ ვიზალიბერალიზაციის რეჟიმის დაწესებიდან.
საქართველოდან თავშესაფრის მიღების მსურველთა რაოდენობის გაზრდასთან დაკავშირებით, გერმანია მათ შესაკავებლად ზომების მიღებას გეგმავს, - განაცხადა შინაგან საქმეთა სამინისტროს პრეს-მდივანმა გაზეთ Die Welt-ის შეკითხვის პასუხად. ზომები ითვალისწინებს უფრო ფართო სასაზღვრო-პოლიციურ თანამშრომლობას თავშესაფრის მიღების მსურველთა რაოდენობის გაზრდის მიზეზების შესასწავლად. გარდა ამისა, ფედერალურ მხარეები განიხილავენ დეპორტაციის სწრაფად განხორციელების საკითხსაც. ამასთან დაკავშირებით ევროპის კომისიაში პირველი დისკუსიები უკვე გაიმართა.
შინაგან საქმეთა საქმეთა სამინისტრომ დაადასტურა, რომ კავკასიური რესპუბლიკიდან ბოლო თვეებში თავშეაფრის მიღების მთხოვნელთა რაოდენობამ მკვეთრად მოიმატა. მაშინ, როცა გასული წლის სექტემბერში თავშესაფრის მხოლოდ 238 მაძიებელი დარეგისტრირდა, ოქტომბერში უკვე - 355, ნოემბერში - 444, დეკემბერში - 522 და მიმდინარე წლის იანვარში - 745. სწორედ სიტუაციის ასეთმა განვითარებამ შეიძლება გავლენა მოახდინოს ვიზალიბერალიზაციაზე საქართველოს მიმართ: ე.წ. „შეჩერების მექანიზმი“ მსგავს შემთხვევებს ითვალისწინებს, როცა შეიძლება კონტრზომები იქნეს მიღებული, თუ თავშეაფსრი მაძიებელთა რაოდენობა მოიმატებს.
ბუნდესტაგის დეპუტატის შტეფან მაიერის (ქრისტიან-დემოკრატიული კავშირი“) განცხადებით, საჭიროა ამ პრობლემის მიმართ თანმიმდევრული მოქმედება. „თუ ეს ტენდენცია არ შეჩერდება, მაშინ ევროკომისიამ თავისი ქმედითუნარიანობა უნდა დაამტკიცოს და უვიზო რეჟიმი გააუქმოს“, - განუცხადა მან „ველტ“-ს კორესპონდენტს, - „თორემ ჩვენი ქვეყნის მოქალაქეები ვერ გაგვიგებენ“.
გერმანელი დეპუტატი „უტიფრულს და მიუღებელს“ უწოდებს საქართველოს ზოგიერთი მოქალაქის მხრიდან უვიზო რეჟიმის პირობების დარღვევას. მისი თქმით, ისინი გერმანიაში თავშესაფრის მიღებას ცდილობენ, რომ ქვეყნის ჯანდაცვის სისტემით ისარგებლონ, თუმცა მათ განაცხადს წარმატების შანსი არ აქვს. „ბოლო 4 თვის განმავლობაში თავშესაფრის მაძიებელ მსურველთა რიცხვის გასამმაგების გათვალისწინებით მოქმედების დრო დადგა“, - განმარტა დეპუტატმა შტეფან მაიერმა, „ საქართველოს მთავრობასთან ერთად გადადგმულ ნაბიჯებთან ერთად, აუცილებელია ცალმხრივი ზომების მიღებაც, მაგალითად, საქართველოს კლასიფიცირება და მისი გამოცხადება უსაფრთხო ქვეყნად“.
რამდენიმე დღის წინათ ჩრდილოეთ რეინ-ვესტფალიის მხარის ინტეგრაციის მინისტრმა იოაჰიმ შტამპმა გერმანიის შინაგან საქმეთა სამინისტროს სწრაფი მოქმედებისაკენ მოუწოდა. თავის წერილში მან აღნიშნა, რომ მატულობს თავშესაფრის მიღების მაძიებელთა რაოდენობა და მათ შორის არიან ის ადამიანები, რომლებთაც კრიმინალური წარსული აქვთ. საქართველოს მოქალაქეებთან დაკავშირებით პრობლემები იზრდება“.
2012-2015 წლებში თავშესაფრის მირების ქართველი მაძიებლების რაოდენობა გერმანიაში ნახტომისებურად გაიზარდა: თუ 2012 წელს მათი რაოდენობა 530 ადამიანი იყო, 2015 წელს უკვე 3200 გახდა. იმ დროს ბევრმა ქართველმა, სანამ მისი საკითხი თავშესაფრის მიღებაზე განიხილებოდა, დამნაშავეობას მიჰყო ხელი. შესაბამისად, ქართველი დამნაშავეების 60% თავშესაფრის მაძიებლები იყვნენ.
გერმანიის სისხლის სამართლის პოლიციის სამმართველომ ეს ფენომენი რამდენიმე წლის წინ გამოიკვლია სპეციალურად შექმნილი სამუშაო ჯგუფის მეშვეობით და დაადგინა, რომ ბევრი ქართველი სპეციალურად არის შეგზავნილი გერმანიაში თითქოსდა თავშესაფრის მისაღებად, სინამდვილეში კი დანაშაულებრივი მოქმედებისათვის.
მძარცველებისა და ქურდების ქართული ბანდები გერმანიას ყოველწლიურად მილიონობით ზარალს აყენებს. აშკარაა, მათ უკან ორგანიზებული დამნაშავეობის წარმომადგენლები დგანან, რომლებიც ამ ბანდებს საქართველოდან და სხვა ევროპული ქვეყნებიდან მართავენ. ამიტომაც ბოლო დროს ამ მიმართულებით საქართველოსა და გერმანიის ხელისუფალთა ნაყოფიერი თანამშრომლობა ვითარდება, რათა კრიმინალური ბანდების წინააღმდეგ მიზანმიმართული ბრძოლა წარმოებდეს. როგორც გერმანული მხარე აცხადებს, ქართველი სამართალდამცველები მზად არიან ერთობლივი საქმიანობისა და დახმარებისათვის. ამის შედეგად უფრო სწრაფად ხდება დამნაშავე პირების დეპორტაცია გერმანიიდან. გარდა ამისა, გაუვნებელდა წვრილ ქურდბაცაცათა ქსელი, რომლებიც მასობრივად ქურდობდნენ მაღაზიებში და საცალო ვაჭრობის ობიექტებში. ასევე ზომები იქნა მიღებული ე.წ. „კანონიერი ქურდების“ მიმართაც - რუსულ-კავკასიური მაფიოზური კორპორაციის წარმომადგენლების წინააღმდეგ.
ჯერ-ჯერობით ნათლად არაა გარკვეული, თუ რამდენად მაღალ და პოტენციურ საფრთხეს შეიცავს თავშესაფრის მაძიებელთა რაოდენობის ზრდა, მაგრამ ისიც ფაქტია, რომ რაოდენობის ასეთი მატება უვიზო რეჟიმით გათვალისწინებული არ ყოფილა“,- ვკითხულობთ სტატიაში.
