ჯანდაცვის მსოფლიო ორგანიზაციის (WHO) ცნობით, ევროპაში წითელას გავრცელების შემთხვევები გაიზარდა.
როგორც ორგანიზაციაში განმარტავენ, წითელათი ინფიცირების რიცხვის გაზრდა ვაქცინაციისგან თავის არიდებამ გამოიწვია.
აღსანიშნავია,რომ წელს, წითელათი სულ 20 000-მდე ადამიანი დაინფიცირდა, მათგან 35 შემთხვევა კი ფატალურად დასრულდა.
წითელათი ინფიცირებულთა რიცხვი იზრდება საქართველოშიც.
დაავადებათა კონტროლის ეროვნული ცენტრში აცხადებენ, რომ 1 იანვრიდან დღემდე ინფიცირებულთა რიცხვმა 300 გადააჭარბა.
ცენტრის ხელმძღვანელის, ამირან გამყრელიძის ინფორმაციით, ყველაზე მეტი შემთხვევა აჭარაში ფიქსირდება.
დაავადებას 100 პროცენტიანი გადამდებლობა ახასიათებს, ამიტომაც, ცენტრი 14 წლამდე აუცრელი ბავშვების მშობლებსა და 40 წლამდე ასაკის იმ მოქალაქეებისთვისაც, რომელთაც დაავადება გადატანილი არ აქვთ სასწრაფო იმუნიზაციისკენ მოუწოდებენ.
ცნობისთვის, დაავადება მაღალი ტემპერატურით, ხველითა და თავის ტკივილით იწყება, სადიაგნოსტიკო გამონაყარი უკვე თავს იჩენს მეხუთე მეექვსე დღეს.