ბათუმის სახელმწიფო უნივერსიტეტის საერთო საცხოვრებლის ეზოდან ასწლოვანი მაგნოლია შეკვეთილში, ბიძინა ივანიშვილის ეზოში გადააქვთ.
ასწლოვანი ხე სტუდენტური საერთო საცხოვრებლის ეზოში მდებარეობს.
საცხოვრებელის ბინადრების ნაწილის განცხადებით, სამუშაოების რისკების შესახებ ისინი არავის გაუფრთხილებია, ნაწილის თქმით კი მათ შენობის გამაგრებას დაჰპირდნენ.
"რუსთავი2"-ის ინფორმაციით, აგრარული და ბათუმის სახელმწიფო უნივერსიტეტის საერთო საცხოვრებლების ტერიტორია ბიძინა ივანიშვილმა გასულ წელს 4,5 მილიონად შეიძინა იმ პირობით, რომ სანამ სტუდენტებისთვის ახალი საერთო საცხოვრებელი აშენდება, ისინი მრავალსართულიან შენობაში დარჩებიან.
უნივერსიტეტის ადმინისტრაციაში აცხადებენ, რომ სამუშაოების უსაფრთხოებაზე პასუხისმგებლობა ხის გადამტანმა კომპანიამ აიღო და მათ განუმარტა, რომ საძირკვლის დაზიანება საშიში არ არის.