ამერიკის პრეზიდენტმა დონალდ ტრამპმა პრეზიდენტების ყოველწლიური ისტორიული რეიტინგის გამოკვლევებში, რომელიც მეცნიერების და პოლიტიკოსების გამოკვლევით დგება, ბოლო ადგილი დაიკავა. 

ბოისეს და ჰიუსტონის უნივერსიტეტის სპეციალისტებმა ჩაატარეს ყოველწლიური გამოკითხვა, რომელშიც მონაწილეობდა 170 მოქმედი ექსპერტი, რომლებიც ასევე იყვნენ ამერიკული  საპრეზიდენტო განყოფილების ასოციაციის წევრები. მათ დაევალათ შეეფასებინათ სახელმწიფო მეთაურები 0-დან 100 ქულით და გამოევლინათ ამერიკის ისტორიაში ყველაზე ძლიერი პრეზიდენტები. 

სიის სათავეში 100 დან 95,03 ქულით მოექცა აბრაამ ლინკოლნი, შემდგომ 92,59 ქულით მოდის ჯორჯ ვაშინგტონი, მესამე ადგილზე ფრანკლინ დელანო რუზველტი. შემდგომ თეოდორ რუზველტი, ტომას ჯეფერსონი, ჰარი ტრუმენი და დუაიტ ეიზენჰაუერი. აღსანიშნავია რომ რეიტინგის პირველი შვიდეული 2014 წლიდან უცვლელი რჩება. 

წლევანდელი გამოკითხვით მერვე ადგილზე აღმოჩნდა ბარაკ ობამა 71 ქულით. 

ხოლო ამერიკის მოქმედი პრეზიდენტი, დონალდ ტრამპი რეიტინგის ბოლო ადგილზე აღმოჩნდა 100-დან 12,34 ქულით. ის ჩამორჩა იმ პრეზიდენტების რეიტინგსაც, რომლელთა მოღვაწეობაც ისტორიკოსების შეფასებით ყველაზე ნეგატიურად ფასდებოდა. 

ამის შესახებ ინფორმაციას „რია ნოვოსტი“ ავრცელებს.