გერმანიასა და იტალიაში ბინის ქურდობის ბრალდებით სამი ქართველი დააკავეს.
გერმანიის ქალაქ კემნიცში 33 და 35 წლის მამაკაცები მაშინ აიყვანეს, როდესაც ისინი მიმალვას ცდილობდნენ.
არსებული ინფორმაციით, დაკავებულებს სახლიდან მოპარული ნივთები აღმოაჩნდათ.
ადგილობრივ პოლიციაში არ გამორიცხავენ, რომ დაპატიმრებულებს თანამზრახველებიც ჰყავდათ.
იტალიაში კი, 41 წლის მამაკაცი ქალაქ მატერაში ერთ-ერთი კერძო სახლის გაქურდვის ფაქტზე დააკავეს.
გამოძიების ცნობით, მან თანამზრახველთან ერთად შეაღწია სახლში და ძვირფასეულობა მოიპარა.
ქურდობაში ბრალდებულების პოვნა პოლიციამ მანქანის სანომრე ნიშნის საშუალებით შეძლო.
დაკავებული ციხეშია გადაყვანილი.