მთავარია, სამართალი აღსრულდეს და დაველოდოთ სასამართლოს საბოლოო გადაწყვეტილებას, - ამის შესახებ საპარლამენტო უმრავლესობის წევრმა გია ვოლსკიმ დემირელის კოლეჯის მენეჯერის მუსტაფა ემრე ჩაბუქის საქმესთან დაკავშირებით განაცხადა.
"არსებობს გარკვეული სამართლებრივი ნორმები და მოთხოვნები, არსებობს სასამართლო თურქეთში და საქართველოში და ისინი მიიღებენ გადაწყვეტილებას. ჩვენ ყოველდღე ვმუშაობთ, რომ სასამართლო გაძლიერდეს და გახდეს დამოუკიდებელი და ამავე დროს, ყოველდღე ვსაუბრობთ, რომ რაღაც პოლიტიკურ კონიუქტურაზეა მისი გადაწყვეტილება დამოკიდებული. მთავარია, სამართალი აღსრულდეს და დაველოდოთ სასამართლოს საბოლოო გადაწყვეტილებას“, – განაცხადა ვოლსკიმ.
ცნობისთვის, ჩაბუქს წინასაექსტრადიციო პატიმრობა 1000 ლარიანი გირაოთი შეეცვალა.
