აჭარის რესპუბლიკური ბიუჯეტის გეგმა 13%-იანი, ხოლო ნაერთი ბიუჯეტის გეგმა 10%-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, 2017 წლის აჭარის რესპუბლიკური ბიუჯეტის გეგმა 252 მლნ 943 ათასი ლარი იყო, თუმცა შესრულებამ 285 მლნ 88 ათას 500 ლარი შეადგინა, ანუ გეგმა 112,7%-ით შესრულდა.
სამინისტროს ინფორმაციით, რესპუბლიკური ბიუჯეტის გადასახადების მუხლი, 12 თვის მონაცემებით, 106,1%-ით შესრულდა, სხვა შემოსავლების მუხლი 138,%-ით, ხოლო არაფინანსური აქტივების (კლება) მუხლი 157,6%-ით.
რაც შეეხება 2017 წლის იანვარ-დეკემბრის ნაერთი ბიუჯეტის გეგმას, ის 365 მლნ 610 ათას 800 ლარი იყო, თუმცა 9,6%-ით გადაჭარბდა და შესრულებამ 400 მლნ 700 ათასი ლარი შეადგინა.
საბიუჯეტო მონაცემები ცხადყოფს, რომ აჭარის ნაერთი ბიუჯეტის გადასახადების მუხლი 4,8%-იანი გადაჭარბებით, სხვა შემოსავლების მუხლი 17%-იანი გადაჭარბებით, ხოლო არაფინანსური აქტივების (კლება) მუხლი მხოლოდ 33,2%-ითაა შესრულებული.
რაც შეეხება თვითმმართველ და მუნიციპალურ ბიუჯეტებს მათი შესრულების მონაცემები ასე გამოიყურება: ბათუმი 102,5%-ი, ქობულეთი - 102,2%-ი, ხელვაჩაური - 105%-ი, ქედა - 105,3%-ი, შუახევი - 102,3%-ი და ხულო - 101,5%-ი.