"1209" - ამ სახელწოდებით დღეს, 14 თებერვალს, 19:00 საათზე, "აუდიტორია 115"-ის ორგანიზებით საპროტესტო აქცია-მსვლელობა გაიმართება.
როგორც ორგანიზატორები აცხადებენ, სახელმწიფოს ეკონომიკური პოლიტიკისა და შრომის უსაფრთხოების არარსებობის გამო 2011 წლიდან 2017 წლამდე 1209 მშრომელი დაიღუპა და დასახიჩრდა.
"ეს არის ომი ხალხსა და ბიზნეს-ელიტის ინტერესებზე მორგებულ სახელმწიფოს შორის.
მაშინ როცა გვარწმუნებენ არჩევანის თავისუფლებაში, მოქალაქეებს არჩევანის გაკეთება შიმშილსა და უმძიმეს პირობებში შრომას შორის უწევთ. ეს არ არის არჩევანი! ეს არ არის თავისუფლება!
სახელმწიფო თავისი უმოქმედობით გვაიძულებს ვაშენოთ ისეთი მკვლელი სახლები, რომელიც მსხვერპლად მშენებლების სიცოცხლეს ითხოვს!
მოთმენას აღარ ვაპირებთ, არ შევეგუებით ადამიანების ყოველდღიურ მკვლელობას!
სიჩუმე მკვლელობაში თანამონაწილეობაა.
მსვლელობა თსუ-ს პირველი კორპუსის ეზოდან პარლამენტისკენ!
წინააღმდეგობის დროა", - აცხადებენ ორგანიზატორები, რომლებმაც გუშინ, 13 თებერვალს, გმირთა მოედანზე ბანერი გადმოფინეს, რომელზეც სამუშაოზე დაღუპული მუშების სახელები და გვარები წერია.
ამავე თემაზე: შრომის უსაფრთხოების ნორმების დარღვევა ძირითადად, სამშენებლო სექტორზე მოდის - ელზა ჯგერენაია
