რუსთავში ექვსმა ბავშვმა კვებითი ინტოქსიკაცია მიიღო.
როგორც ბავშვთა საავადმყოფოს მთავარმა ექიმმა ნატო თოფურიამ საზოგადოებრივ მაუწყებელს განუცხადა, 11-12 წლის ბავშვებს ერთი და იგივე სიმპტომი აღენიშნებოდათ. მისივე თქმით, სამი მათგანი საავადმყოფოში გუშინ, სამი კი დღეს შეიყვანეს.
მისივე ინფორმაციით, ერთ-ერთი ბავშვის მდგომარეობა შედარებით მსუბუქი იყო და ის უკვე გაწერეს საავადმყოფოდან, ხუთის მკურნალობა კი სტაციონარში გრძელდება.
ექვსივე ბავშვმა საკვების ერთ-ერთ ობიექტზე შაუმა ჭამა, რამაც, წინასწარი ინფორმაციით, ისინი მოწამლა.
