თბილისში, ჭავჭავაძის #37-ში მდებარე საერთო საცხოვრებელში ხანძარი გაჩნდა.
საგანგებო სიტუაციების მართვის სააგენტოს ცნობით, საერთო საცხოვრებლის შენობა ხის კონსტრუქცისგანაა აშენებული და ამიტომ ცეცხლი სწრაფად გავრცელდა. მათივე ინფორმაციით, ადგილზე 6 სახანძრო და 1 სამაშველო ბრიგადა მუშაობს.
არსებული ინფორმაციით, ხანძრის შედეგად არავინ დაშავებულა და მოსახლეობის ევაკუაცია დროულად განხორციელდა.
ამ ეტაპზე ხანძარი ლოკალიზებულია, თუმცა, შენობაში ძლიერი დაკვამლიანებაა.