თურქული ავიაკომპანია Turkish Airlines-ი სტამბოლის ახალი აეროპორტიდან ფრენების შესრულებას 29 ოქტომბრიდან დაიწყებს. ამ დროისთვის კომპანია თბილისის მიმართულებით კვირაში 30 რეისს ასრულებს, მათგან 25 რეისი თბილისის მიმართულებით სტამბოლის ათათურქის აეროპორტიდან, 5 რეისს კი საბიჰა გოგჩენის აეროპორტიდან.
მას შემდეგ რაც კომპანია რეისების ახალი აეროპორტიდან შესრულებას დაიწყებს, პარალელურად შენარჩუნდება საბიჰა გოგჩენის აეროპორტიდან რეისების შესრულება.
ამასთან, სტამბოლის ახალი აეროპორტი თურქეთის ერთ-ერთი მნიშვნელოვანი ინფრასტრუქტურული პროექტი და მსოფლიოს ერთ-ერთი უდიდესი აეროპორტი იქნება.
Turkish Airlines აგრეთვე გაზრდის მგზავრთა რაოდენობასა და ტვირთის მოცულობას, რისთვისაც ინვესტიციები იდება ახალ აეროპორტში მაღალი კლასის კლიენტების მომსახურების ხარისხის გაუმჯობესებისათვის მთელი გზის განმავლობაში - ჩექ ინიდან საჰაერო ხომალდში ჩასხდომამდე.
ავიაკომპანიის ინფორმაციით, საქართველოსა და თურქეთს შორის ფრენებს მნიშვნელოვანი ადგილი უკავია ორ მეგობარ ქვეყანას შორის როგორც ჰუმანიტარული, ასევე ეკონომიკური და კულტურული ურთიერთობის გაფართოების თვალსაზისით. თურქეთის მიმართულებით Turkish Airlines-ის ფრენების ფარგლებში მომხმარებლებს აქვთ უნიკალური შესაძლებლობა მსოფლიოს 300 მიმართულებით იმოგზაურონ.
„სტამბოლი, როგორც სტრატეგიული ჰაბი თბილისიდან 2,15 საათის განმავლობაში მომხმარებლებს შესაძლებლობა აქვთ იფრინონ კომფორტულად და მინიმალურ დროში. როგორც Turkish Airlines -ის ოჯახი, ჩვენ ვაშენებთ ჩვენი ზრდის სტრატეგიას 2023 წლისთვის თურქეთის გლობალური მიზნების გათვალისწინებით - 500-ზე მეტი თვითმფრინავი 350 მიმართულებით და 120 მილიონი მგზავრი, რომელიც ერთ-ერთ წამყვან კომპანიად იქცა არა მარტო თბილისში, არამედ მთელს მსოფლიოში. თურქეთის გეოგრაფიული მდებარეობიდან გამომდინარე ეს არის იდეალური მდებარეობა რათა გავხდეთ გლობალური ჰაბი საავიაციო თვალსაზრისით და ჩვენ მოველით, რომ თურქეთის გავლით ფრენები მნიშვნელოვნად გაიზრდება აცხადებენ Turkish Airlines-ში.