გაერო თურქეთს მოუწოდებს, აფრინში სამხედრო ოპერაციის, მშვიდობიანი მოსახლეობის მიმართ სიფრთხილე გამოიჩინოს.
გაეროს გენერალური მდივნის სპეციალური წარმომადგენელის სტეფან დიუჟარიკის განცხადებით, „სამოქალაქო ინფრასტრუქტურის დაცვის აუცილებლობის შესახებ მოწოდებები მუდმივ რეჟიმში იგზავნება სხვადასხვა დონის ადრესატებთან“.
მისივე თქმით, გაეროს არ აქვს პირადი ინფორმაცია სირიის ამ რეგიონში მიმდინარე ოპერაციის მსვლელობის შესახებ.
„ჩვენ არ გვყავს აფრინში წარმომადგენლობა, ასე რომ ვცდილობთ ინფორმაცია ადგილობრივი პარტნიორებისგან მივიღოთ“, – აღნიშნავს დიუჟარიკი.
თურქეთის გენშტაბმა 20 იანვარს ოპერაცია „ზეთისხილის რტოს“ დაწყების შესახებ განაცხადა, რომელიც სირიის ქალაქ აფრინში ქურთების ფორმირებების წინააღმდეგ იქნებოდა მიმართული.
თურქებთან ერთად, ოპერაციაში სირიის თავისუფლების არმიის მებრძოლებიც მონაწილეობენ. დამასკომ მკაცრად დაგმო თურქეთის მიერ აფრინზე მიტანილი იერიში.