"პოსტსაბჭოთა ქვეყანა, კინომწარმოებლებს განსხვავებულ, ამოუცნობ და ეგზოტიკულ ლოკაციებს სთავაზობს“ - ამ სათაურით ამერიკულმა გამომცემლობამ Variety, საქართველო აღმოსავლეთ ევროპის ერთ-ერთ საუკეთესო კინოგადაღების ლოკაციად აღიარა და მისი პოტენციალის შესახებ მნიშვნელოვანი სტატიაც კი მოამზადა.
„საქართველომ, როგორც ტრანსკონტინენტურმა ქვეყანამ, რომელიც სამხრეთ-აღმოსავლეთ ევროპისა და დასავლეთ აზიის გასაყარზე მდებარეობს, ბოლო წლების მანძილზე საერთაშორისო აღიარება მოიპოვა კინოინდუსტრიის სფეროში, როგორც აღმოსავლეთ ევროპის ერთ-ერთი საუკეთესო კინოგადაღების ლოკაცია. მათ ვინც უკვე ერთხელ იმოგზაურეს და გამოიყენეს საქართველოს პოტენციალი, აღნიშნავენ რომ სამომავლოდ აქტიურად გეგმავენ ახალ პროექტებზე მუშაობის გაგრძელებას საქართველოს სხვადასხვა რეგიონში.
აღსანიშნავია, რომ ერთ-ერთი გამოჩენილი კინორეჟისორი, რომელსაც საქართველოში მუშაობის დიდი ხნის გამოცდილება აქვს, ოსკარზე ნომინირებული კინემატოგრაფი და რეჟისორი ფედონ პაპამიჩაიელია, რომელიც საქართველოში პირველად 1999 წელს, 19 წლის ასაკში ნანა ჯორჯაძის ფილმის „27 მოპარული კოცნა“ გადასაღებად ჩამოვიდა. სულ ცოტა ხნის წინ, კი საქართველში მუშაობა დაასრულა ლევან კოღუაშვილის ფილმზე "ბრაიტონ 4", რომლის გადაღებებიც ამჟამად ბრუკლინში მიმდინარეობს. საქართველოსადმი პირველი შთაბეჭდილებას, პაპამიჩაიელი ერთი ფრაზით იხსნებეს: „ველური დასავლეთი“ ძველი ინფრასტრუქტურით, ანტიკვარული ტექნიკა-აპარატურით და ძალიან მომხიბვლელი, სტუმართმოყვარე ხალხით.
აღსანიშნავია, რომ ბოლო წლების მანძილზე ქვეყნის ინფრასტრუქტურის განვითრებაში, მნიშვნელოვანი ინვესტიციები განხორციელდა, კერძოდ: გაუმჯობესდა გზები, გამარტივდა ლოჯისტიკა, აშენდა არაერთი მაღალი დონის სასტუმრო და შეიქმნა საერთაშორისო სტანდარტების საპროდიუსერო კომპანიები, რომლებიც მაღალი დონის მომსახურეობითა და აპარატურით გამოირჩევიან. ზემოთხსენებულმა პირობებმა ძალზედ მნიშვნელოვანი როლი ითამაშა კინოინდუსტრიის განვითარებაში და უცხოელი კინომწარმოებლების მოზიდვაში.
კინორეჟისორების განცხადებით, ადგილობივი საპროდიუსერო კომპანიების ხარჯები, საკმაოდ ხელმისაწვდომია, ჰოლივუდის ისეთ ლოკაციებთან მიმართებაში, როგორებიცაა: პრაღა, ლონდონი თუ სხვა ევროპული ქალაქები რაც საქართველოს კიდევ უფრო მიმზიდველს ხდის და მეტ კინომწარმოებელს უბიძგებს, რომ მათი პროექტები სწორედ აქ განახორციელონ. ზემოთხსენებულ პირობებს, ხელს უწყობს კინოინდუსტრიის წახალისების პროგრამა „გადაიღე საქართველოში“, რომელიც საქართველოში გაწეული ე.წ კვალიფიციური ხარჯების 20-25%-მდე პროდიუსერებისათვის ანაზღაურებას გულისხმობს და მიზნად ისახავს ქვეყანაში კინოინდუსტრიის წახალისებას, საერთაშორისო კინომწარმოებლების მოზიდვასა და საქართველოს, როგორც აღმოსავლეთ ევროპის კინოგადაღების ცენტრად ქცევას.
სწორედ აღნიშნული პროგრამის ფარგლებში, 2018 წლის იანვრის თვის მონაცემებით, პროგრამის პორთფელი 10 პროექტს ითვლის, საიდანაც გადაღებები უკვე დასრულდა 9 ფილმზე, დამატებით 1 ფილმზე კი გადაღებები ამჟამად მიმდინარეობს. შემოსული პროექტებიდან ოთხი ინდური კინოპროდუქციაა, ერთი ქართულ-გერმანულ-ფრანგული კოპროდუქცია, ერთი ქართულ-ამერიკულ-ნორვეგიული, ორი ქართულ-ფრანგული და ერთიც კი ამერიკული.აღსანიშნავია, რომ პრორგამის „გადაიღე საქართველოში“ პორთფელში ევროპული კოპროდუქციები ჭარბობს, მათ შორისაა ისეთი წარმატებული პროექტები როგორებიცაა ნანა ექვთიმიშვილის და სიმონ გროსის პროექტი „ჩემი ბედნიერი ოჯახი“, რომელიც ჰონგ-კონგის საერთაშორისო კინოფესტივალის ტრიუმფატორი გახდა და ფილმის პირველი მსოფლიო პრემიერა "სანდესის" კინოფესტივალზე, ხოლო ევროპული პრემიერა "ბერლინალეზე" შედგა.
სულ ცოტა ხნის წინ, რამდენიმე საერთაშორისო პროექტთან ერთად საქართველოში ფრანგმა კინომწარმოებელმა ევა ჰადსონმა საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ პროგრამის „გადაიღე საქართველოში“ ფარგლებში, ფილმი “მზის გოგონები“ („Girls of the Sun”) გადაიღო, რომელშიც 2 განსხვავებული ქალის ცხოვრება აღბეჭდა.
შეიძლება ითქვას, რომ ქართული კინოინდუსტრია კინოწარმოების ტრადიციას იბრუნებს, ნელ-ნელა უბრუნდება წარმატების გზას.“