ნორვეგიაში მცირე ზომის თვითმფრინავი ჩამოვარდა. უცხოური მედიის ინფორმაციით, ნორვეგიის ჩრდილოეთით მცირე ზომის თვითმფრინავი ჩამოვარდა რის შედეგადაც ორი ადამიანი დაიღუპა. სამოქალაქო ავიაციის დეპარტამენტის ინფორმაციით კი, თვითმფრინავი, ლოფოტენის კუნძულების მახლობლად ზღვაში ჩავარდა. მათივე განცხადებით სამაშველო ეკიპაჟებმა მალევე მიაკვლიეს თვითმფრინავის ნამსხვრევებს. ფაქტთან დაკავშირებით გამოძიება დაწყებულია.