ტაივანში, მიწისძვრის შედეგად გარდაცვლილთა რაოდენობა ათამდე გაიზარდა. ადგილობრივი მედიის ცნობით, სამაშველო სამუშაოები განმეორებითი ბიძგების მიზეზით ფერხდება.
6.4 მაგნიტუდის სიმძლავრის მიწისძვრა სამშაბათს ღამით მოხდა. ამ დროისთვის არსებული ოფიციალური მონაცემებით, სტიქიამ ცხრა ადამიანის სიცოცხლე იმსხვერპლა, დაშავებულია 265. სრულად ჩამოიშალა ოთხი შენობა. ოთხშაბათს ღამით რყევების სიმძლავრემ 5.7 მაგნიტუდა შეადგინა, რასაც კიდევ რამდენიმე, თუმცა ნაკლები სიმძლავრის ბიძგი მოჰყვა.
დაკარგულთა უმეტესობა, სავარაუდოდ, 12-სართულიანი საცხოვრებელი სახლის ნანგრევებშია მოყოლილი, რომელიც რყევების შედეგად 45 გრადუსით გადაიხარა.
ტურისტული ქალაქი ჰუალიენის ადგილობრივი მოსახლეობა 100 000-ს შეადგენს.
