თარიღი    დრო

უნიკალური აღმოჩენა ოკუპირებულ აფხაზეთში - სამარხი აჩადარაში მცხოვრებმა იპოვა

საქართველო, თბილისი - 15:14 02.06.2018 466

ოკუპირებულ აფხაზეთში დაბა აჩადარაში ძვირფასეულობებით სავსე სამარხი აღმოაჩინეს. ამის შესახებ ინფორმაციას ადგილობრივი მედია აფხაზეთის ე.წ. სახელმწიფო მუზეუმის დირექტორზე არკადი ჯოპუაზე დაყრდნობით ავრცელებს. 
გავრცელებული ცნობით, სამარხი გუდაუთის რაიონის მცხოვრებმა რუსტამ ჩხებელიამ იპოვა. სამარხში იყო ადამიანის ჩონჩხი, ბრინჯაოს ჩაფხუტი, ისარი, შუბი და სამკაულები.

ჯოპუას თქმით, სამარეში ასევე აღმოჩნდა ცხრა ოქროს სამკაული, აღმოსავლურად მოხატული  ვერცხლის თასი და ორი ხანჯალი. მისივე თქმით, დიდ ფასეულობას წარმოადგენს ოქროს სამკაულები, რომლებიც შესაძლოა, ადგილობრივი ოსტატების მიერ იყოს დამზადებული.

„ჩაფხუტის, იარაღებისა და ხანჯლების მიხედვით შესაძლებელია მტკიცება, რომ აქ მეომარი იყო დაკრძალული, თუმცა ქალის სამკაულები ეჭვს ბადებს, ნამდვილად მამაკაცის საფლავია თუ წყვილის“, -ამბობს  ჯოპუა  და განმარტავს, რომ აღმოჩენილი მასალების დეტალური შესწავლის შემდეგ, დეტალები ნათელი გახდება.

ამჟამად სამკაულები ე.წ. ეროვნულ ბანკშია გადატანილი, საიდანაც ე.წ. სახელწმიფო მუზეუმს გადეცემა.

 




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.5%
შემცირდა 13.3%
არ შეცვლილა 3.2%