26 ივლისს საქართველოს ეკონომიკისა და მდგრადი განვითარების სამინისტრომ სასარგებლო წიაღისეულის მოპოვების ლიცენზიის გაცემის მიზნით ჩატარებულ აუქციონზე 19 ობიექტიდან 13 ობიექტი გაიყიდა.
სამინისტროს ინფორმაციით, 5 ობიექტზე სამინისტროში განაცხადი არ შემოსულა, ერთი მონაწილე კი აუქციონზე არ გამოცხადდა. კონკურენცია მხოლოდ ერთ ობიექტზე დაფიქსირდა - ქუთაისის მიმდებარე ტერიტორიაზე, მდ. რიონზე ქვიშა, ხრეშის გამოვლინება. ობიექტის გასაყიდი ფასი 11 800 ლარი იყო, საბოლოოდ კი 55 793 ლარად გაიყიდა.
ჯამში 26 ივლისს ჩატარებული აუქციონის შედეგად შემოსულმა თანხამ 306 957 ლარი შეადგინა.
აუქციონზე გაიყიდა შემდეგი ობიექტების ლიცენზიები: თბილისი, ავჭალის მიმდებარე ტერიტორიაზე, მდ. მტკვარზე "ავჭალის" ქვიშა, ხრეშის გამოვლინება. გასაყიდი ფასი 5089 ლარი შეიძინა შპს "ავანტი"-მ; გაიყიდა ასევე საგარეჯოში, სოფ. ოთარაანის ტერიტორიაზე, მდ. გომბორზე "გომბორის" ქვიშა, ხრეშის გამოვლინება. ობიექტის გასაყიდი ფასი 13 629 ლარის იყო, რომლის მფლობელიც "გზამშენი-4"-ი გახდა;