თარიღი    დრო

ნინო მაჩაიძე და სალომე ჯიქია პალერმოს ოპერისა და ბალეტის თეატრში იმღერებენ

საქართველო, თბილისი - 00:27 01.26.2018 3879

მსოფლიოში ცნობილი საოპერო მომღერლები - ნინო მაჩაიძე და სალომე ჯიქია პალერმოს ოპერისა და ბალეტის თეატრში (“Teatro Massimo di Palermo”) იმღერებენ. ქართველი სოპრანოები ჯაკომო როსინის უკვდავ ოპერაში - „ვილჰელმ ტელი“ - მატილდას პარტიას სხვადასხვა შემადგენლობაში შეასრულებენ.

ნინო მაჩაიძე იტალიელი მსმენელის წინაშე 2018 წლის 23, 25, 28 და 31 იანვარს წარდგება,  ხოლო სალომე ჯიქია - 27 და 30 იანვარს.

„ვილჰელმ ტელის“ პრემიერა 23 იანვარს შედგა და წარმოდგენები 31 იანვრამდე გაგრძელდება.

წარმოდგენები გაიმართება დამიანო მიქელეტოს რეჟისორობით, ხოლო ორკესტრს გაბრიელე ფერო უდირიჟორებს.

„ვილჰელმ ტელის“ პრემიერა 1829 წლის 3 აგვისტოს, Opera de Paris-ში შედგა. ოპერის ლიბრეტო ეყრდნობოდა ფრიდრიხ შილერის ამავე სახელწოდების პიესას. ოპერა გვიამბობს შვეიცარიის დამოუკიდებლობისათვის მებრძოლი შესანიშნავი მსროლელის - ვილჰელმ ტელის დაპირისპირების ისტორიას ავსტრიელ დამპყრობლებთან.

პალერმოს ოპერისა და ბალეტის თეატრი იტალიაში სიდიდით პირველი, ხოლო მსოფლიოში ერთ-ერთი უდიდესია პარიზის გრანდ ოპერისა და ვენის სახელმწიფო ოპერის შემდეგ. ამასთანავე, ის სახელგანთქმულია თავისი შესანიშნავი და გამორჩეული აკუსტიკით.




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%