თურქეთი საფრანგეთს ტერორისტთა მხარდაჭერაში ადანაშაულებს. საგანგებო განცხადება ქვეყნის საგარეო საქმეთა მინისტრმა მევლუთ ჩავუშოღლუმ მას შემდეგ გააკეთა, რაც ფრანგულმა მხარემ ჩრდილოეთ სირიაში თურქეთის მიერ დაწყებული სამხედრო ოპერაციის გამო გაეროს უშიშროების საბჭოს სხდომა მოიწვია.
„თურქეთი ტერორისტების მხარდამჭერად გამოაცხადებს ყველა იმ ქვეყანას, რომელიც ჩვენს მიერ დაწყებულ ოპერაციას დაგმობს, მათ შორის საფრანგეთსაც,“-აღნიშნა ჩავუშოღლუმ.
სამხედრო ოპერაცია კოდური სახელწოდებით „ზეთისხილის რტო“ თურქეთმა სირიის ჩრდილოეთში დღეს დაიწყო. აფრინის რაიონში თურქებმა ტანკები შეიყვანეს. მანამდე კი ქურთებით დასახლებული აფრინი თურქულმა ავიაციამ დაბომბა.