ქაბულში განხორციელებულ თავდასხმას ჩეჩნეთის ლიდერი გამოეხმაურა.
„სისხლიანი კრიზისი ავღანეთში ყოველდღიურად ღრმავდება. მილიონობით ადამიანმა დაკარგა სახლი, სამსახური. იზრდება თაობები, რომლებსაც სკოლა და ინსტიტუტი თვალითაც არ უნახავს და მხოლოდ ბრძოლა იცის. განათლებული ევროპა კი ამაზე თვალს ხუჭავს. მათ მხოლოდ ერთნაირსქესიანთა ქორწინების საკითხი აღელვებთ,“წერს რამზან კადიროვი სოციალურ ქსელ ВКонтакте-ში.
მორიგი ტერორისტული აქტი ავღანეთის დედაქალაქში 20 იანვარს განხორციელდა. სასტუმრო Intercontinental Hotel-ში შეიარაღებული პირები შეიჭრნენ. თავდასხმას არაოფიციალური ინფორმაციით 43 ადამიანი ემსხვერპლა. დაღუპულთა უმრავლესობა უცხოელია.