„აგარის შაქრის“ თანამშრომლები ქარხანაში სამუშაო პროცესის აღდგენისა და კომპენსაციის მოთხოვნით, ქარხანასთან აქციას მართავენ.
დასაქმებულების მოთხოვნაა, ადგილობრივმა ხელისუფლებამ და ქარხნის წარმომადგენლებმა ერთობლივად შპს „აგარის ქარხნის” პროფკავშირებთან ერთად იმუშაონ პრობლემის მოგვარებაზე.
პროფკავშირების თავმჯდომარის, ზაზა ალბორიშვილის განცხადებით, პრობლემის მოუგვარებლობა აგარის მოსახლეობის სოციალურ-ეკონომიკურ პარალიზებას გამოიწვევს.
აღსანიშნავია, რომ ქარხანაში დასაქმებულთა უმრავლესობა აგარის მაცხოვრებელია.