ე.წ. დროებითი ბიუჯეტის ვერ დამტკიცების გამო, აშშ-ს მთავრობას დაფინასება შეუჩერდა.  სახელმწიფო მოხელეთა ნაწილი იძულებით შვებულებაში გასვლა, ნაწილს კი მუშაობის გაგრძელება უხელფასოდ მოუწევს.

კანონპროექტმა კონგრესის ბარიერი წარმატებით დაძლია 230 ხმა 197-ის წინააღმდეგ, თუმცა სენატში საჭირო რაოდენობის ხმების მოგროვება გაუჭირდა.

უთანხმოების მიზეზი 700 000 არალეგალი მიგრანტი გახდა, რომელთაც დეპორტაცია ემუქრებათ. დემოკრატები ამ პროცესის შეჩერებას ითხოვენ. აშშ-ს პრეზიდენტმა გადაწყვეტილებას უგუნური საქციელი უწოდა და დემოკრატები ვიწრო პარტიული ინტერესების სახელმწიფოებრივ ინტერესებზე მაღლა დაყენებაში დაადანაშაულა. მან ასევე კიდევ ერთხელ გააკრიტიკა ობამა არასწორი საიმიგრაციო პოლიტიკის გამო.

კონსესუსის მიღწევამდე აშშ-ს მთავრობას დაფინანსება უწყდება. საჯარო სამსახურში დასაქმებულთა ნახევარი იძულებით შვებულებაში გავა. ის ადამიანები კი, რომლებსაც ქვეყნის საგარეო და შინაგანი უსაფრთხოების დაცვა ავალიათ, ასევე გადაუდებელი სამედიცინო დახმარების მუშაკები და უმაღლესი თანამდებობის პირები მუშაობას გააგრძელებენ, მაგრამ ანაზღაურების გარეშე.

ფედერელური მთავრობის მუშაობის დროებითი შეჩერების გამო
აშშ-ში, ტურისტებისთვის ერთ-ერთი ყველაზე მიმზიდველი ადგილი, თავისუფლების ქანდაკებაც, მნახველებისთვის დაიხურა. 
დახურულია ასევე ელისის კუნძული. ორივე ობიექტს აშშ-ის ეროვნული პარკების სამსახური მართავს.


მსგავსი შემთხვევა შტატებში ბოლოს 2013 წელს, ობამას მმართველობის დროს დაფიქსირდა, მაშინ პრობლემის გადაჭრას 16 დღე დასჭირდა.