უფრო მძიმე მუხლებზეც გამომიყენებია გირაო, მიმაჩნია, რომ ეს ერთ-ერთი რიგითი საქმე იყო ჩემს პრაქტიკაში, - ამის შესახებ კლუბ "ბასიანთან" მომხდარი ინციდენტის საქმის პირველი ინსტანციის მოსამართე ბადრი შონიამ განაცხადა, რომელმაც კლუბთან სამი პირის დაჭრაში ბრალდებულ თამაზ ქვლივიძეს გირაო შეუფარდა.
მისი განცხადებით, რაიმე სახის ზეწოლაზე საუბარი საფუძველს მოკლებულია.
"მე შევაფასე, რომ ეს ადამიანი [სამი პირის დაჭრაში ბრალდებული თამაზ ქვლივიძე] აღიარებდა დანაშაულს, ინანიებდა და არ იყო ნასამართლევი. საზოგადოების განწყობა და სასამართლოს გადაწყვეტილება შეიძლება ერთმანეთს არ დაემთხვეს, მაგრამ ეს იმას არ ნიშნავს, რომ გადაწყვეტილება არ არის სამართლიანი. მე ვერ გეტყვით რა იგულისხმა სააპელაციო სასამართლოს მოსამართლემ, თუმცა მას ჰქონდა უფლება არ დათანხმებოდა პირველი ინსტანციის გადაწყვეტილებას. რაიმე სახის ზეწოლაზე საუბარი საფუძველს მოკლებულია. უფრო მძიმე მუხლებზეც გამომიყენებია გირაო, მიმაჩნია, რომ ეს ერთ-ერთი რიგითი საქმე იყო ჩემს პრაქტიკაში", - განაცხადა ბადრი შონიამ, რომელმაც აქვე აღნიშნა, რომ გადაწყვეტილების მიღებისას საქმეში არ იყო ფოტო, რომელიც დაცვის უფროსის დაზიანებას ასახავდა.
ცნობისთვის, თბილისის საქალაქო სასამართლომ ერთი სამართალდამცველისა და კლუბ "ბასიანის" დაცვის ორი წევრის დაჭრაში ბრალდებული გირაოს სანაცვლოდ გაათავისუფლა.
სააპელაციო სასამართლომ კი, საქალაქო სასამართლოს განჩინება გააუქმა და თამაზ ქვლივიძეს პატიმრობა შეუფარდა.