„პირველი ჩხრეკის დროს აღნიშნულ ნივთებთან დაკავშირებით არ გვქონდა ინფორმაცია. გამოძიების მიმდინარეობისას გახდა ჩვენთვის ცნობილი კონკრეტული ნივთების შესახებ და იქნა ამოღებული", - აცხადებს დეტექტივ-გამომძიებელი, ნუკრი მატუა.
ის არ აკონკრეტებს, თუ რა სახის ნივთები ამოიღეს გიორგი ჭანტურიას საცხოვრებელი სახლიდან.
„გიორგი ჭანტურიას ბინაში სასამართლო განჩინების საფუძველზე ჩატარდა ჩხრეკა. კონკრეტული ნივთები იქნა ამოღებული. გამოძიების ინტერესებიდან გამომდინარე, ვერ მოგახსენებთ რა იქნა ამოღებული",- განაცხადა მატუამ.
შეგახსენებთ, რომ გენერალ სამსონ ქუთათელაძის საქმის გამოძიების პროცესში დაკავებული და შემდეგ გათავისუფლებული გიორგი ჭანტურიას და მისი მეუღლის საცხოვრებელ სახლებში, რუსთავსა და თბილისში, განმეორებითი ჩხრეკა მიმდინარეობს.