გიორგი ჭანტურიას მამა, ზურაბ ჭანტურია გულის არეში ტკივილის და მაღალი წნევის გამო რუსთავის ერთ-ერთ საავადმყოფოში გადაჰყავთ. ინფორმაცია „ჯი-ეიჩ-ენს“ გიორგი ჭანტურიას ადვოკატმა, ალექსანდრე კობაიძემ დაუდასტურა.
შეგახსენებთ, რომ ამ წუთებში, გიორგი ჭანტურიას საცხოვრებელ სახლებში, თბილისსა და რუსთავში ერთდროულად განმეორებითი ჩხრეკა მიმდინარეობს. სწორედ ამ დროს გახდა ზურაბ ჭანტურია შეუძლოდ.
შეგახსენებთ, რომ გენერალ სამსონ ქუთათელაძის საქმის გამოძიების პროცესში გიორგი ჭანტურია დააკავეს, თუმცა, ის ბრალის წარდგენამდე გაათავისუფლეს.