ამერიკის საელჩოს გადატანა იერუსალიმში წელს ვერ მოხერხდება. ამის შესახებ თეთრი სახლის ლიდერმა სააგენტო როიტერისთვის მიცემულ ინტერვიუში განაცხადა. „ჩვენ ამ საკითხს აქტიურად განვიხილავთ. არ მგონია, ეს 2018 წელს შევძლოთ, თუმცა საელჩოს იერუსალიმში აუცილებლად გადავიტანთ. ახალი საელჩოს შენობა მშვენიერი იქნება, თუმცა მილიარდები არ დაჯდება,“-აღნიშნა ტრამპმა. მანამდე ისრაელის პრემიერ-მინისტრმა ბენიამინ ნეთანიაჰუმ იმედი გამოთქვა, რომ თელავივიდან იერუსალიმში ამერიკის საელჩოს გადატანა წლის ბოლომდე მოხერხდება.