ბაიოს ცნობილ გობელინს ბოლო 950 წლის მანძილზე პირველად, საფრანგეთიდან გაიტანენ. მე-11 საუკუნეში შექმნილი შედევრი ბრიტანეთში იმოგზაურებს, სადაც რამდენიმე მუზეუმში გამოფენენ. მაკრონის ადმინისტრაციის ინფორმაციით, ტრანსპორტირებისთვის გობელინის მომზადება ხანგრძლივი პროცედურაა და მას სავარაუდოდ 2-3 წელი დასჭირდება. 70-მეტრიან გობელინზე ჰასტინგის ბრძოლის სცენებია ასახული.
