ისრაელის პრემიერ-მინისტრის, ბენიამინ ნეთანიაჰუს განცხადებით, ამერიკის საელჩო იერუსალიმში ერთი წლის განმავლობაში გადავა.
„ დარწმუნებული ვარ, რომ ამერიკის საელჩოს თელ-ავივიდან იერუსალიმში გადატანა გაცილებით მალე მოხდება, ვიდრე ამას ვინმე ფიქრობს. ჩემი შეფასებით, ეს წლის განმავლობაში გახდება შესაძლებელი“, - განაცხადა ინდოეთში ოფიციალური ვიზიტით მყოფმა ბენიამინ ნეთანიაჰუმ.
იერუსალიმი ისრაელის დედაქალაქად დონალდ ტრამპმა 6 დეკემბერს აღიარა და სახელმწიფო დეპარტამენტს იერუსალიმში საელჩოს გადატანა დაავალა.
