ხარაგაულში, სოფელ ბეჟათუბანში სარკინიგზო გვირაბის მშენებლობაზე დასაქმებულების პროტესტი გრძელდება.
მათი განცხადებით, დამსაქმებელი კომპანია, "ჩინეთის რკინიგზის 23-ე ბიურო", საშვებულებო დავალიანებებს არ ფარავს, ასევე, გვირაბში უსაფრთხოების ნორმები დაცული არ არის, ამიტომაც დასაქმებულების ნაწილი მეორე დღეა მუშაობაზე უარს აცხადებს.
ისინი 17 საათზე რკინიგზის დეპარტამენტის და პროფკავშირების წარმომადგენლებს შეხვდებიან.
თუ შეთანხმება არ მოხერხდა და მათი მოთხოვნა არ დაკმაყოფილდა, გაფიცულები მშენებარე გვირაბის დაკეტვას გეგმავენ.
