შეერთებულ შტატებს მიგრანტები ყველა ქვეყნიდან სჭირდება. ამის შესახებ დონალდ ტრამპმა ტვიტერის გვერდზე დაწერა.
„მინდა ისინი ყველა ქვეყნიდან ჩამოვიდნენ,“-აცხადებს თეთრი სახლის ლიდერი.
მანამდე ტელეკომპანია CNN-მა გაავრცელა ინფორმაცია იმის შესახებ, რომ ტრამპმა ის ქვეყნები, საიდანაც აშშ-ში მიგრანტები ჩადიან, უდიერად მოიხსენია. ჰაიტის და მსგავს ქვეყნებს მან „ბინძური ხვრელები“ უწოდა.
