ოკუპირებული აფხაზეთის ლიდერი სოხუმში იანვრის დასაწყისში გამართულ საპროტესტო აქციებს ეხმაურება. საგანგებო განცხადება რაულ ხაჯიმბამ ოჩამჩირის მოსახლეობასთან შეხვედრისას გააკეთა.
„ლუკავას შეწყალებით ამ აქციების ორგანიზატორებს მიზეზი მიეცათ იმისათვის, რომ ქვეყანაში პოლიტიკური ვითარება დაძაბონ. ეს აქციები რესპიბლუკაში არასტაბილურობას იწვევს და სახელმწიფოს საძირკველს აცლის. ვიღაცას სურს დამნაშავედ გამომიყვანოს. მე არ მეშინია პასუხისმგებლობის, თუმცა ვთვლი, რომ კონსტიტუციის მიხედვით ვიმოქმედე. მესმის საუბრები იმის შესახებ, თუ რატომ გავცვალეთ ლუკავა, მაგრამ ლუკავას და სხვების გათავისუფლება დაკავშირებულია ჩვენი სამხრეთ ოსეთელი ძლების გათავისუფლებასთან. ისევ რომ მომეცეს ქართველი პატიმრების გაცვლის შესაძლებლობა ოს პატიმრებზე, ამას ისევ გავაკეთებდი,“-აღნიშნა ხაჯიმბამ.
გიორგი ლუკავა 7-წლიანი პატიმრობის შემდეგ 25 დეკემბერს სოხუმის ციხიდან გაათავისუფლეს.
