,,ნაციონალური მოძრობის“ წევრებმა საკრებულოს სხდომა პროტესტის ნიშნად დატოვეს. სხდომაზე საჯარო სამსახურის შესახებ კანონის განხილვას, რომლის მიხედვითაც დანამატი და პრემია ერთიანდება და სახელფასო სისტემა იქმნება, ხმაური მოჰყვა.
სხდომაზე ოპოზიციამ მერია ხელფასების ზრდაში კიდევ ერთხელ დაადანაშაულა. მათ პასუხად კი უმრავლესობის წევრმა ირაკლი ზარქუამ სხდომაზე ნაციონალური მოძრაობის წარმომადგენელთა ხელფასები წარმოადგინა, რომელსაც ისინი ხელისუფლებაში ყოფნის დროს იღებდნენ და დამსწრე საზოგადოებას შედარება სთხოვა.
“საჯარო დაწესებულებაში შრომის ანაზღაურების შესახებ“ კანონი სწორედ დღეიდან შევიდა ძალაში. ფულადი ჯილდოს მიღება მოხელეს დაწესებულების ხელმძღვანელის გადაწყვეტილებით შეეძლება, თუმცა განსაზღვრული ოდენობით.
საჯარო დაწესებულებაში დასაქმებული პირის მიერ წლის განმავლობაში მიღებული ფულადი ჯილდოს საერთო ოდენობა არ უნდა აღემატებოდეს მისი თანამდებობრივი სარგოს წლიური ოდენობის 10%-ს. თუმცა, განსაკუთრებულ შემთხვევაში შესაძლებელი იქნება საჯარო მოხელეს ერთჯერადად მიეცეს განუსაზღვრელი ოდენობის ფულადი ჯილდო მთავრობის გადაწყვეტილებით.