თარიღი    დრო

ყოველთვის იყვნენ გმირები, რომლებმაც დროშისთვის სიცოცხლეც დათმეს - ირაკლი კობახიძე

საქართველო, თბილისი - 17:22 01.14.2018 805

"დროშა ჩვენი თავისუფლების, დამოუკიდებლობისა და სახელმწიფოებრიობის გამომხატველია და საქართველომ მრავალი საუკუნის განმავლობაში იბრძოლა იმისთვის, რომ  ერი სახელმწიფო დროშის ქვეშ გაერთიანებულიყო", - ამის შესახებ საქართველოს პარლამენტის თავმჯდომარემ, ირაკლი კობახიძემ სახელმწიფო დროშის მნიშვნელობაზე საუბრისას განაცხადა.

მისი თქმით, ქართველი ერი ბედნიერია, რადგან ჩვენს შორის ყოველთვის იყვნენ გმირები, რომლებმაც დროშისთვის საკუთარი სიცოცხლეც დათმეს.

„სწორედ ამიტომ, დღეს განსაკუთრებული პატივი უნდა მივაგოთ იმ გმირებს, რომლებმაც ჩვენი დროშისთვის იბრძოლეს და ამ ბრძოლაში, საკუთარი სიცოცხლეც დაუნანებლად დათმეს.  ჩვენ ვართ ბედნიერი ერი, რადგან ჩვენს შორის ყოველთვის იყვნენ, არიან და იქნებიან ასეთი გმირები.

დროშა არის ჩვენი ისტორიის, მრწამსისა და თვითმყოფადობის სიმბოლო, რომლის დაცვისა და ჩვენამდე მოტანისთვის წინაპრებმა ყველაფერი დათმეს. სწორედ ამიტომ, ჩვენ, თანამედროვეებს განსაკუთრებული პასუხისმგებლობა გვეკისრება.

ამასთან, სახელმწიფო დროშა  ერთდროულად არის ისტორიული წარსულის, აწმყოსა და მომავლის სიმბოლოც.  ყოველთვის უნდა გვახსოვდეს, რომ ყველაფერი, რასაც თითოეული ჩვენგანი ქვეყნისთვის აკეთებს და გააკეთებს, ჩვენი უმთავრესი ეროვნული სიმბოლოს ქვეშ გაერთიანდება",- აღნიშნა ირაკლი კობახიძემ პარლამენტში, სახელმწიფო დროშის დღესთან დაკავშირებით გამართულ მიღებაზე. 




Tavdacva

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%