თარიღი    დრო

მიხო-2018: რომელ სახელისუფლებო სავარძელს უმიზნებს სააკაშვილი და რატომ აღარ ეშინია მისი პოროშენკოს

საქართველო, თბილისი - 15:36 01.13.2018 1475

უკრაინის ტელეკომპანია „1+1“-ის საინფორმაციო სამსახურის მიერ ეთერში გადაიცა  მასალა, რომელშიც განხილულია საქართველოს ექს-პრეზიდენტის მიხეილ სააკაშვილის საქმიანობა 2017 წელს და 2018 წლის პერსპექტივა.

გთავაზობთ ამონარიდებს პუბლიკაციიდან:

მიხეილ სააკაშვილის გეგმებზე ისაუბრა მისმა თანამოაზრემ, ვერხოვნა რადას დეპუტატმა იური დერევიანკომ: „ჩვენ გვაქვს ერთწლიანი გარდამავალი პარლამენტის შექმნის იდეა. გვინდა მოვძებნოთ 300 ჭკვიანი და ენერგიული ადამიანი, რომლებსაც უკრაინის გარდაქმნა სურთ“, - განაცხადა მან, მაგრამ არ დააზუსტა, როგორ და სად იპოვიან ამ ადამიანებს. მისი თქმით, მიხეილ სააკაშვილი მზადაა გარდამავალი პრემიერ-მინისტრის პოსტი დაიკავოს.

„უკრაინის ახალი ძალების მოძრაობის“ ამ გეგმის რეალიზების შანსი მინიმალურია:  საქართველოს ყოფილი პრეზიდენტის  მიხეილ სააკაშვილის პარტიის პერსპექტივა უიმედოა - სოციოლოგიური გამოკითხვების მიხედვით, მას მხარს მხოლოდ ამომრჩეველთა 1,3% დაუჭერს, ბარიერი კი 5%-ია.

პრეზიდენტის გარემოცვიდან წყაროების თქმით, პრეზიდენტის ადმინისტრაციაში მიხეილ სააკაშვილის მიმართ უკვე თავიანთი ტაქტიკა შეიმუშავეს: ახალი წლის წინ პეტრო პოროშენკო ძალიან ემოციურად აღიქვამდა მიხეილ სააკაშვილის განცხადებებს, მაგრამ მას შემდეგ, რაც მიხომ პრეზიდენტს წერილი გაუგზავნა და სერიგება სთხოვა, პეტრო დამშვიდდა: „მან იგრძნო, რომ მიხო სუსტია და ეს ძალიან გაეხარდა“, - ამბობს პოროშენკოს ერთ-ერთი თანამოაზრე. მისი თქმით, მიხოს საწინააღმდეგო ახალი ტაქტიკა იურიდიულ მომენტებთანაა დაკავშირებული: „ახლა მის მიმართ მხოლოდ იურიდიული პროცედურები განხორციელდება. ზედმეტად ფიზიკურად არავინ შეეხება. ახლა მხოლოდ სასამართლოები, სასამართლოები და ისევ სასამართლოები... და ბოლოს, ქვეყნიდან გაძევება, მაგრამ არა მაინცდამაინც საქართველოში“.

სხვათა შორის, საქართველოში ექსტრადირება კიევმა საეჭვოდ მიიჩნია მას სემდეგ, რაც მიხოს თბილისის სასამართლოში განაჩენი გამოუტანეს. ესე იგი, გამოდის, რომ მას, ცნობილ პოლიტიკოსს, კიევიდან თბილისში ჩაყვანისას, პირდაპირ საპყრობილეში ჩასვამენ. ასეთი სცენარის რეალიზებით უკრაინის ურთიერთობა დასავლეთთან გაურესდება, რაც პეტრო პოროშენკოს გარემოცვას არ აწყობს

-------

საქართველოს შესახებ უკრაინულ პრესაში 13 იანვრის მასალებიდან აღსანიშნავია აგრეთვე გიორგი ვაშაძის ინტერვიუ გაზეთში «Факты и комментарии» სათაურით „ანტიკორუფციული სასამართლო აბსოლუტურად დამოუკიდებელი სტრუქტურა უნდა იყოს“, რომელშიც კორესპონდენტ ოლღა ბესპერსტოვასთან იგი უკრაინის ანტიკორუფციული სასამართლოს ფუნქციებზე და კორუფციასთან ბრძოლაში საქართველოს გამოცდილებაზეც ლაპარაკობს (წყარო: http://fakty.ua/254846).




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.5%
შემცირდა 12.5%
არ შეცვლილა 3%