თბილისში, წერეთლის გამზირზე ახალგაზრდა მამაკაცი დაჭრეს.
არსებული ინფორმაციით, მამაკაცს ჭრილობა დანით აქვს მიყენებული.
დაჭრილის სიცოცხლეს საფრთხე არ ემუქრება და მდგომარეობა ამჟამად დამაკმაყოფილებელია.
სამართალდამცველებმა დანაშაული ცხელ კვალზე გახსნეს და დაჭრაში ბრალდებული პირი უკვე დააკავეს.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
