თარიღი    დრო

ბრიტანეთის საგარეო საქმეთა მინისტრმა ლონდონის მერს და ლეიბორისტთა ლიდერს გაქსუებული დენდები უწოდა

საქართველო, თბილისი - 19:48 01.12.2018 778

ბრიტანეთის საგარეო საქმეთა მინისტრმა ლონდონში ტრამპის ვიზიტის გაუქმებასთან დაკავშირებით გაკეთებული კომენტარების გამო ლონდონის მერი სადიკ ჰანი და ლეიბორისტული პარტიის ლიდერი ჯერემი კორბინი გააკრიტიკა. 

„შეერთებული შტატები ბრიტანეთში ყველაზე მსხვილი ინვესტორია. ამის მიუხედავად, ჰანი და კორბინი ბრიტანულ-ამერიკულ ურთიერთობებს რისკის ქვეშ აყენებენ. ჩვენ არ მივცემთ უფლებას გაქსუებულ დენდებს, შეერთებულ შტატებთან ჩვენს ურთიერთობას საფრთხე შეუქმნან,“-წერს ბრიტანეთის პირველი დიპლომატი ტვიტერის პირად გვერდზე. 


დღეს ცნობილი გახდა, რომ დონალდ ტრამპმა გაურკვეველი დროით გადადო ბრიტანეთში ვიზიტი, რომელიც მიმდინარე წლის თებერვალში უნდა შემდგარიყო. ამის მიზეზად თეთრი სახლის ლიდერმა ობამას ადმინისტრაციის გადაწყვეტილებაზე თავისი უარყოფითი დამოკიდებულება დაასახელა, რომელიც აშშ-ის საელჩოს ძველი შენობის გასხვისებას და ახალი შენობის აშენებას ეხება. 
"მე ლონდონში ვიზიტი გავაუქმე, რადგან არ ვარ ობამას ადმინისტრაციის დიდი მოყვარული, რომელმაც ძალიან იაფად გაასხვისა ბრიტანეთში აშშ-ის საელჩოს შენობა. სანაცვლოდ კი, გარეუბანში 1,2 მილიარდ დოლარად ახალი ააშენა. ცუდი გარიგებაა. უნდოდათ, რომ მე ლენტა გამეჭრა. არა!"- დაწერა ტრამპმა.

აშშ პრეზიდენტის გადაწყვეტილების მიუხედავად, ბრიტანეთის პრემიერ-მინისტრმა ტერეზა მეიმ განაცხადა, რომ შეთავაზება ლონდონში ვიზიტზე ძალაში რჩება, ლონდონის მერი კი ტრამპის გადაწყვეტილებას მიესალმა და აღნიშნა, რომ თეთრი სახლის ვიზიტი ლონდონში მასობრივ საპროტესტო აქციებს გამოიწვევდა. ანალოგიური განცხადება გააკეთა ლეიბორისტთა ლიდერმაც.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%