ცენტრალური და აღმოსავლეთ ევროპის უდიდესი და ევროპაში ერთ-ერთი ყველაზე სწრაფად მზარდი დაბალბიუჯეტიანი ავიაკომპანია Wizz Air 2017 წელს აჯამებს და აცხადებს, რომ კომპანია გასული წლის განმავლობაში მგზავრთა რეკორდულ რაოდენობას მოემსახურა, მნიშვნელოვნად გააფართოვა საქმიანობის არეალი, განახორციელა ახალი თვითმფრინავების ყველაზე დიდი შეკვეთა, საფუძველი ჩაუყარა სასწავლო სქემას პილოტობის მსურველთათვის და მომხმარებლებს ფრენის გამოცდილების გაუმჯობესებისთვის მრავალი სიახლე შესთავაზა.
2017 წელს განხორციელებული დაბალბიუჯეტიანი რეისებით Wizz Air 28 მილიონზე მეტ მგზავრს მოემსახურა, რაც 2016 წლის ანალოგიურ მონაცემს 24%-ით აღემატება. Wizz Air-ის ფლოტს 14 თანამედროვე თვითმფრინავი შეემატა. 13 ახალი ეარბას A321და ერთი ეარბას A320 ტიპის საჰაერო ხომალდის ჩათვლით, ფლოტი ჯამში 88 თვითმფრინავს მოიცავს. ახალი თვითმფრინავების დამატებამ ავიაკომპანიის მიერ 600 პირდაპირი სამუშაო ადგილის შექმნა განაპირობა. 15 ქვეყნის 27 აეროპორტში, გაერთიანებული სამეფოს ლონდონის ლუტონის და ბულგარეთის ვარნას უახლესი ბაზების ჩათვლით, ავიაკომპანიაში 3,500-ზე მეტი ავიაციის პროფესიონალია დასაქმებული. Wizz Air საქმიანობის არეალის გაფართოებასაც აგრძელებს. 7 დამატებითი აეროპორტის ათვისებით და 100-ზე მეტი ახალი სერვისის ინტეგრირებით კომპანიის არეალი 44 ქვეყნის მასშტაბით, 145 მიმართულებით, 600-მდე მარშრუტს მოიცავს.
წლის კიდევ ერთი მნიშვნელოვანი შედეგია თვითმფრინავების ყველაზე დიდი შეკვეთა, რომელიც ეარბასთან გაფორმებულ თანამშრომლობის მემორანდუმს ეფუძნება და დამატებით ოჯახზე მორგებულ 146 ეარბას A320neo ტიპის თვითმფრინავის შესყიდვას გულისხმობს. შეთანხმების შედეგად, როგორც კი აღნიშნულ სიახლეს Wizz Air-ის აქციონერების გადაწყვეტილებაც დაადასტურებს, კომპანია უზრუნველყოფილი იქნება 282 ეარბას ტიპის თვითმფრინავით, რომელთა მომარაგებაც 2026 წლის ბოლოსკენ დასრულდება. აღნიშნული საშუალებას მისცემს ავიაკომპანიას, გააგრძელოს ზრდა და მუდმივად გააახლოს ფლოტი, რომელსაც ევროპაში ყველაზე ახალგაზრდა და ეფექტურ ფლოტად შეინარჩუნებს.
მომხმარებლის საუკეთესო სამგზავრო გამოცდილების შექმნის მიზნით, Wizz Air-მა უფასო ხელბარგის ზომა 50%-ით გაზარდა, გააუმჯობესა ონლაინ პლატფორმები, რაც ვებ-საიტსა და WIZZ მობილურ აპლიკაციას გულისხმობს; კომპანიამ ასევე საფუძველი ჩაუყარა ინოვაციურ სერვისებს (ტარიფის გაყინვა, ცვლადი თანამგზავრი), რომლებიც მგზავრობის მეტ მოქნილობას განაპირობებს.
2017 წელს, Wizz Air-მა საქართველოს რეისებზე 310,000-ზე მეტი მგზავრის გადაყვანა უზრუნველყო, რაც წელიწადში 102%-იან ზრდაზე მიუთითებს. კომპანიამ ხელი შეუწყო ავიაციისა და ტურიზმის სფეროში ადგილობრივი სამუშაო ბაზრის სტიმულირებას და ინდუსტრიაში დაახლოებით 250 დამატებითი ირიბი სამუშაო ადგილის შექმნა განაპირობა. Wizz Air კიდევ ერთხელ უსვამს ხაზს მის ჩართულობას ქვეყნის განვითარებაში და 2018 წლის მაისიდან ქუთაისის აეროპორტში მეორე თვითმფრინავს ამატებს. ამავე წლიდან კომპანია იწყებს ფრენებს ქუთაისიდან ევროპის ისეთი ქალაქების მიმართულებით, როგორიცაა ათენი, ბარსელონა, პარიზი, პრაღა, რომი და ვენა. 2018 წელს Wizz Air-ის გუნდს ეყოლება 85 ეკიპაჟისგან შემდგარი გუნდი და მომხმარებლებს 19 მარშრუტზე 441,000 სამგზავრო ადგილს შესთავაზებს. აღნიშნული წლის მანძილზე 96%-იანი ზრდის მაჩვენებელია.
„2017 წელი Wizz Air-ის მასიური გაფართოების წელი იყო. შედეგად ბიზნესის ყველა ასპექტში მნიშვნელოვანი განვითარება მივიღეთ. აღნიშნულმა Wizz Air აქცია ერთ-ერთ ყველაზე სწრაფად მზარდ ავიაკომპანიად, რაც მომავალი ათწლეულების განმავლობაში მუდმივი წინსვლის საწინდარია. ჩვენ მიერ დამკვიდრებული ულტრა-დაბალბიუჯეტიანი ბიზნეს მოდელის, მაღალკვალიფიციური და მომხმარებელზე ორიენტირებული ეკიპაჟის, ახალგაზრდა და თანამედროვე ფლოტისა და შესანიშნავი და ფასეულობებზე ორიენტირებული მომსახურების შედეგად, ჩვენი დაფარვის ყველა ქვეყანაში მგზავრები Wizz Air-ზე აჩერებენ არჩევანს. ჩვენ თანმიმდევრულ და სწრაფ ზრდას, ევროპაში და მის ფარგლებს გარეთ კიდევ უფრო მეტი შესაძლებლობების შექმნას ვაგრძელებთ“, აცხადებს Wizz Air-ის აღმასრულებელი დირექტორი ჯოზეფ ვარადი.