მეცნიერებისა და ეროვნული ეკონომიკის წყალობით ჩრდილოეთ კორეას არ შეექმნება გადაულახავი სირთულეები იმ შემთხვევაშიც კი, თუ ფხენიანის წინააღმდეგ დაწესებული სანქციები 10 ან 100 წელი იმოქმედებს. ამის შესახებ ფხენიანის ლიდერმა მეცნიერებათა აკადემიაში სტუმრობისას განაცხადა. კიმ ჩენ ინის თქმით, რევოლუციის ძლევამოსილების ერთ-ერთი საიდუმლო სწორედ იმაში მდგომარეობს, რომ ქვეყანა ერის სუვერენიტეტისა და ღირსებისთვის მეცნიერებისა და ტექნიკის განვითარებას ცდილობდა.