შსს-ს სამეგრელო-ზემო სვანეთის სამხარეო პოლიციის მთავარი სამმართველოს თანამშრომლებმა ჩატარებული ოპერატიულ-სამძებრო სამუშაოების შედეგად 31 დეკემბერს აბაშის რაიონის სოფელ კეთილარში დაკარგული ი.კ.- ს მკვლელობის საქმეზე ორი პირი დააკავეს.
არსებული ინფორმაციით, ბრალდებულებმა ი.კ. ჯერ მოკლეს, შემდეგ კი გარდაცვლილის ცხედარი მდინარე რიონში გადააგდეს. დაკავებულებმა დანაშაული უკვე აღიარეს.
უწყების ცნობით, ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. მოკლულის ცხედარი ჯერ არ უპოვიათ.