თბილისის საერთაშორისო აეროპორტს მგზავრთნაკადი 40%-ით გაეზარდა. სამოქალაქო ავიაციის სააგენტოს ინფორმაციით, 2017 წელს თბილისის საერთაშორისო აეროპორტი 3 მლნ 164 ათას 139 მგზავრს მოემსახურა, რაც იმას ნიშნავს, რომ 2016 წელთან შედარებით 2017 წელს მგზავრთნაკადი 40,47%-ითაა გაზრდილი.
სტატისტიკური ინფორმაციის მიხედვით, 2017 წელს 2015 წელთან შედარებით თბილისის საერთაშორისო აეროპორტში მგზავრთნაკადი 71,30%-ით გაიზარდა.
ცნობისათვის, თბილისის საერთაშორისო აეროპორტი 2016 წელს 2 მლნ 252 ათას 535 მგზავრს, ხოლო 2015 წელს 1 მლნ 847 ათას 116 მგზავრს მოემსახურა.